Signs na Tinamaan ka ni Kupido, Part II

Hello! kung nagustuhan ninyo ang Part I, heto ang karagdagang 15 signs.

16. Ang pangalan niya (o kahit anong pangalan na ina-associate mo sa kanya) ay iyong naririnig kung saan saan. Minsan nakikita mo pa ito sa mga TV, graffiti, street signs, sa decorasyon ng dyip o sa karatula ng mga sari-sari store. Halimbawa, kung siya ay taga-Mindoro, marami ang may suot ng Puerto Galera souvenir shirts, o bigla mo na lang malalaman na duon itatanghal ang WOWOWEE, o kaya naman ay makikita mo na ito ang featured na lugar ng banner ng WOW! Philippines. Kung ang pangalan naman niya ay Dong, bigla mong makikita sa grocery ang "Ding-Dong" o kaya naman ay makikita si Dong Puno sa TV o maririnig si Ding Dong Avanzado sa radyo.

17. Kung matalino ka at eloquent speaker, nawawala ito kapag andyan na siya. Parang lahat ng nasa isip mong sabihin sa kanya ay non-sense.

18. Hindi mo mapigilang maging available para sa kanyang mga requests. Kahit ano ay puede mong i-cancel para lamang makita o makasama o mapagbigyan siya.

19. Ang "Filipino time" (laging huli) o kaya ay "Indian time" (hindi dumarating o nang-i-indian) ay wala na sa iyong diksyunaryo. Napapalitan na ito ng "American time" (dumarating sa eksaktong oras na itinakda) or kaya naman ay "Military time" (mas maaga pa sa sikat ng araw).

20. Handa ka nang magbasag ng piggy bank para makapagbigay ka ng espesyal na regalo. Kung hindi naman ay para may panggastos ka pa habang nang-i-i-stalk ka.

21. Hindi mo alam kung maloloka ka na kasi hindi ka makagawa ng ibang bagay. Ang kaya mo lang gawin ay ang isipin siya.

22. Parang ang bagal ng oras kapag hindi mo siya nakikita. Kapag magkasama naman kayo ay parang mabilis ito (ang oras).

23. Para kang nakahithit ng droga. Nahuhumaling. Ang mundo ay makulay, ang gaan ng pakiramdam, sobra ang saya, lahat ng makita ay maganda, kahit ano ay maaaring gawin. Minsan naman parang naka-inhale ng Salbutamol o Ventolin. Nanghihina, nanginginig, malakas ang tibok ng puso.

24. Ang espesyal na tao sa inyong buhay ay parang si Benny Hinn (isang charismatic healer). Ang inyong mga sugat ay nahihilom at ang sakit ay nawawala.

25. May nararamdaman kang force na nagdadala sa inyong dalawa para magkita. Parang laging may pagkakataon o nagkaroon ng dahilan para kayo ay magkasama. Kung wala ang force na ito, I am sure i-fo-force mong magka-force (pero ang tawag sa iyo nyan ngayon ay "stalker" -- please seek medical attention).

26. Ang text message nya ay kayamanan. Kahit "k." lang ang laman ng text, hindi mo ito buburahin sa inbox mo. Kung may pagka-sentimental ka, isusulat mo pa ang lahat ng kanyang messages sa isang kwaderno (with time and date).

27. Hindi ka makatingin sa kanya. Kahit gusto mo. Natatakot na matunaw kapag nasilayan ang kanyang mata (o labi).

28. Tila kayo lang dalawa ang nabubuhay sa mundo. Ang ibang nilalang ng Diyos ay nagiging "background" na lamang. Hindi mo na ito napapansin. Para kayong nasa loob ng isang vacuum.

29. Maliban sa kaligayahan ay nagkakaroon ng takot. Minsan, hindi mo matukoy ang pinanggagalingan ng takot na ito. Iba't iba ang nagiging takot. Depende sa kung anong klaseng tao ka. Takot na ma-reject, takot na masaktan, takot na pagsawaan, takot na iwanan, takot na maloko... jealousy, paranoia, dependence, obsession. Gamot para dito: kilalanin ang sarili para mabawasan ang insecurities at mga takot. Pag-ingatan ang puso at isip. Hinay hinay lang.

30. Ang alter ego mong si "Scrooge" o "Shrek" ay naglalaho. Natututo kang magbigay sa iba. Nagkakaroon ka ng abilidad na maging masaya para sa kaligayahan ng iba... lalo na para sa kaligayahan ng taong iyong tinatangi.

Raffle Ticket

Habang ako'y naglalakad isang gabi ay napadaan ako sa grocery store. Lumaki ang aking singkit na mga mata nang masilayan ang isang brand new na scooter na naka-display sa entrance ng grocery store.

May nakapanalo na pala nito :(

Agad akong nag-connect sa Diyos.

Ako: Lord, bakit naman po hindi niyo ako binigyan ng pagkakataon na makapanalo ng scooter? Nagsisimba naman po ako... hindi naman ako mamamatay tao... nagbabasa ng Bibliya... tumutulong sa kapwa... eh bakit hindi akong kasing-swerte ng ibang tao? Ang lupit niyo naman po sa akin. Hirap na hirap na po ako, pero bakit tila hindi niyo dinidinig ang aking mga dasal?

Sumagot si Lord...

Lord: Anak, ano ba ang inirereklamo mo diyan? Eh hindi ka naman naghulog ng raffle ticket.

Napahiya ako.

Ako: Sorry Lord, wrong mistake.

Minsan talaga tayong mga tao laging sinisisi ang Diyos sa mga bagay na wala tayo. May ginagawa ba tayo para makamtan ang ating mga pangarap at mga pangangailangan? Sabi nga nila, "nasa Diyos and awa, nasa atin ang gawa". Hindi maaaring hingi lang tayo ng hingi. Hindi maaaring sisi tayo ng sisi. Ang aksyon ay magmumula parati sa atin... at ang prutas ng sipag at pawis ay matitikman lamang ng mga taong marunong gumalaw, manampalataya, at maghintay.

Ang ALIAS... bow.

Isang araw, ako'y sumakay ng bus kasama ang aking inay para pumunta sa bahay ng lola ko. Dahil medyo boring ang trip, ay sumilip na lamang kami sa bintana para i-entertain ang aming mga sarili. Dahil sharp shooter at talagang keen observer ang nanay ko, may naispatan siyang interesting na poster ng isang kandidato. Ang hirit ni inay sa akin:

Inay: Anak, tingnan mo o, sino kaya ang boboto sa kandidatong iyon?

Nagtaka ako, kaya't hinanap ang poster na kanayang sinasabi...

Ako: Nasaan po?
Inay: Ayun o... "High-blood" ang kanyang alias.

Hindi ako makapaniwala pero ito'y totoo. Nakakatawa naman tayong mga pinoy mag-isip ng alias ano?

I Spy

I spy with my little eye... what do you see?

Habang ako'y naghihintay sa airport ay nagulantang ako ng makita ang sight na ito. Kaya't agad ko itong kinunan (nagpapakita kung gaano ako kasama) para mai-share ko ang experience na ito. Hindi ko na in-edit ang litrato para hindi pansin ng mga taong hindi malinaw ang mata.

Moral Lesson: choose your pants well. Okay lang hindi masyadong maporma basta't kayo ay kumportable at safe sa mga paparazzi na tulad ko.